minor gangrape Jharkhand: పదేళ్ల బాలికపై సామూహిక అత్యాచారానికి పాల్పడ్డారు ఆరుగురు మైనర్లు. ఈ ఘటన ఝార్ఖండ్లోని కుంటీలో జరిగింది. బాధితురాలు తన పక్క గ్రామంలో జరిగిన వివాహానికి గురువారం హాజరై తిరిగి వస్తుండగా ఈ దారుణానికి పాల్పడ్డారు. బాధితురాలికి, నిందితులకు వివాహం దగ్గర గొడవ జరిగింది. దీంతో బాధితురాలు ఇంటికి ఒంటరిగా వస్తున్న సమయంలో బాలికను అడ్డగించిన నిందితులు.. నిర్మానుష్య ప్రదేశంలోకి తీసుకెళ్లి సామూహిక అత్యాచారానికి పాల్పడ్డారు. ఆ తర్వాత ఇంటికి చేరుకున్న బాలికి జరిగిన దారుణాన్ని కుటుంబ సభ్యులకు తెలిపింది. కుటుంబ సభ్యుల పోలీసులను ఆశ్రయించారు. ఫిర్యాదు అందుకున్న పోలీసులు ఐదుగురు నిందితులను అరెస్టు చేశారు. పరారీలో ఉన్న మరో నిందితుడి కోసం గాలిస్తున్నారు.
పలుమార్లు అత్యాచారం..: 16 ఏళ్ల మైనర్పై అత్యాచారానికి పాల్పడ్డారు ముగ్గురు నిందితులు. ఈ ఘటన రాజస్థాన్లోని ఝలావర్లో జరిగింది. నిందితులపై పోలీసులు పోక్సో చట్టం కింద కేసు నమోదు చేశారు. మైనర్ను వైద్య పరీక్షల నిమిత్తం ఆసుపత్రికి తరలించారు. ఏప్రిల్ 9వ తేదీన నిందితుల్లో ఒకరు తనను కిడ్నాప్ చేశారని ఫిర్యాదులో పేర్కొంది బాధితురాలు. నిందితులు ముగ్గురు పలుమార్లు అత్యాచారం చేశారని తెలిపింది.
అత్యాచారం చేసి.. అనంతరం బావిలో: మూడేళ్ల బాలికపై అత్యాచారానికి పాల్పడి బావిలో పడేశాడు ఓ కిరాతకుడు. ఈ ఘటన రాజస్థాన్లోని చిత్తోడ్గఢ్ జిల్లాలో గురువారం జరిగింది. పోలీసులు తెలిపిన వివరాల ప్రకారం.. బాధితురాలు తన తల్లితో కలిసి బంధువుల వివాహానికి వెళ్లింది. అక్కడ బాలిక ఆడుకుంటుండగా నిందితుడు రమేష్ ధన్కడ్(30) వచ్చాడు. బాలికతో కలిసి ఆడాడు. అనంతరం బాలికను అపహరించి అత్యాచారానికి పాల్పడి.. గ్రామానికి 5 కిలోమీటర్ల దూరంలో ఉన్న బావిలో పడేశాడు. బాలిక కుటుంబ సభ్యుల ఫిర్యాదు మేరకు నిందితుడు రమేష్పై పోలీసులు.. పోక్సో చట్టం, ఎస్సీ-ఎస్టీ అట్రాసిటి కేసును నమోదు చేశారు.
పెళ్లి చేసుకుంటానని: పెళ్లి చేసుకుంటానని నమ్మించి తనపై పలుమార్లు అత్యాచారానికి పాల్పడ్డాడని తన సహోద్యోగిపై ఫిర్యాదు చేసింది ఓ మహిళా కానిస్టేబుల్. ఈ సంఘటన ఉత్తర్ప్రదేశ్లోని ఫిలిబెత్లో జరిగింది. బాధితురాలు పని చేసే స్టేషన్లోనే నిందితుడు మోహిత్ ఖోఖర్ అనే వ్యక్తి విధులు నిర్వర్తిస్తున్నాడు. బాధితురాలిని పెళ్లి చేసుకుంటానని చెప్పి పలుమార్లు అత్యాచారానికి పాల్పడ్డాడు. అయితే మార్చి 24వ తేదీన వేరొక మహిళను వివాహం చేసుకోవటం వల్ల బాధితురాలి పోలీసులను ఆశ్రయించింది. ఫిర్యాదు మేరకు మోహిత్, మరో ముగ్గురు వ్యక్తులపై కేసు నమోదు చేశారు పోలీసులు.
ఇదీ చదవండి: హనుమాన్ చాలీసా సవాల్.. నటి నవనీత్ కౌర్ ఇంటిపై రాళ్ల దాడి!
