Security Breach at Mamata Residence: బంగాల్ ముఖ్యమంత్రి మమతా బెనర్జీ ఇంటి వద్ద భద్రతా లోపం తలెత్తింది. శనివారం రాత్రి ఒంటిగంట సమయంలో ఓ గుర్తుతెలియని వ్యక్తి కోల్కతా కాళీఘాట్లోని సీఎం నివాసంలోకి ప్రవేశించాడు. రాత్రంతా ఆ వ్యక్తి.. ఇంటి గోడపైనే మౌనంగా కూర్చొని ఉన్నట్లు తెలిసింది. ఆదివారం ఉదయం భద్రతా సిబ్బంది గుర్తించారు. అనంతరం.. ఆ వ్యక్తిని అరెస్టు చేసిన పోలీసులు విచారణ జరుపుతున్నారు.
ముఖ్యమంత్రి నివాసం చుట్టూ ఎల్లప్పుడూ కట్టుదిట్టమైన భద్రత ఉంటుంది. సీఎం మమతా బెనర్జీకి కూడా జెడ్ ప్లస్ సెక్యూరిటీ ఉంది. అయితే.. ఇంత నిఘా ఉన్నప్పటికీ.. ఆ వ్యక్తి అర్ధరాత్రి ఎలా వచ్చాడో తెలియక అధికారులు తలలు పట్టుకుంటున్నారు.
దీదీ ఇంటి సమీపంలోనే కొద్దిరోజుల క్రితం జంట హత్యలు కలకలం రేపాయి. అప్పుడు కూడా మమతా బెనర్జీ ఇంటి వద్ద భద్రతపై ప్రశ్నలు తలెత్తాయి. ఆ సమయంలో.. దగ్గర్లోని సీసీటీవీ కెమెరాలు కూడా పనిచేయకపోవడాన్ని గమనించారు. ఈ నేపథ్యంలో సీఎం ఇంటి వద్ద భద్రతా వైఫల్యంపై పోలీసులు అన్ని కోణాల్లోనూ దర్యాప్తు చేస్తున్నారు.
ఇవీ చూడండి: 'ప్రధాని భద్రతా లోపం' విచారణ కమిటీ ఛైర్మన్కు బెదిరింపులు!
