Man Kills Five Of Elder Brothers Family: ఒడిశాలోని కటక్లో దారుణం జరిగింది. ఓ వ్యక్తి తన అన్న కుటుంబంలో ముగ్గురు పిల్లలతో సహా ఐదుగుర్ని హత్య చేశాడు. మహంగా పోలీస్ స్టేషన్ పరిధిలో ఈ ఘటన జరిగింది. నిందితున్ని సిబు సాహుగా గుర్తించారు పోలీసులు. సోమవారం రాత్రి నిందితుడు అతని అన్న ఇంటికి వెళ్లాడు. కుటుంబ వివాదాల కారణంగా అన్న కుటుంబం పట్ల కోపాన్ని పెంచుకున్న నిందితుడు వారిని పదునైన ఆయుధంతో దాడి చేశాడు. నిందితుడు తన అన్న, వదిన, ముగ్గురు పిల్లల్ని హత్య చేశాడు.
హత్య అనంతరం బలిచంద్రాపుర్ పోలీసులకు లొంగిపోయాడు. కుటుంబ వివాదాల కారణంగానే ఈ దారుణానికి పాల్పడినట్లు పోలీసుల ముందు నిందితుడు అంగీకరించాడు. అందుకు సంబంధించిన ఓ వీడియోను కూడా విడుదల చేశాడు.
ఇదీ చదవండి: అమ్మాయిల గ్యాంగ్వార్.. నడిరోడ్డుపై జుట్లు పీక్కొని ఫైటింగ్..
