కర్ణాటకలో దొంగలు రెచ్చిపోయారు. ఏకంగా బస్ స్టేషన్లో ఉన్న బస్సునే కొట్టేశారు.
వివరాల ప్రకారం.. తుమకూరు జిల్లా గుబ్బి బస్టాండ్లో పార్క్ చేసి ఉన్న బస్సును దొంగిలించారు దుండగులు. ఆ బస్సుతోనే కునిగల్ పరిసర ప్రాంతాల్లో చక్కర్లు కొట్టారు. బస్సులో డీజిల్ మొత్తం అయిపోయాక.. జన్నెనహళ్లి గ్రామం వద్ద దానిని వదిలి పారిపోయారు.
గుబ్బి బస్ స్టేషన్లో సీసీటీవీ కెమెరాలు కూడా లేవు. బస్సు డ్రైవర్, ఆపరేటర్ నిర్లక్ష్యం కారణంగానే.. బస్సు చోరీకి గురైందని అధికారులు అంటున్నారు.
యాజమాన్యం ఫిర్యాదు మేరకు కేసు నమోదు చేసుకున్న పోలీసులు.. నిందితుల కోసం గాలిస్తున్నారు.
ఇదీ చూడండి: 100 కోట్ల ప్రయాణం.. ఇంకా సగం మిగిలే ఉంది!
