తనతో ప్రేమ, పెళ్లికి నిరాకరించిందని యువతిపై కక్ష పెంచుకున్న యువకుడు ఆమె ప్రాణాల్ని బలిగొన్నాడు. ఆమె తల నరికి పోలీస్‌స్టేషన్‌కు తీసుకెళ్లి లొంగిపోయాడు. ఈ దారుణం కర్ణాటకలోని విజయనగర జిల్లా కూడ్లిగి తాలూకా కన్నబొరనయ్యన హట్టిలో గురువారం జరిగింది.
గ్రామానికి చెందిన భోజరాజ్ అనే యువకుడు ట్రాక్టర్ డ్రైవరు. తన సమీప బంధువైన బసణ్న కుమార్తె నిర్మల (23) అనే బీఎస్సీ నర్సింగ్‌ విద్యార్థినితో ప్రేమాయణం సాగించాడు. ఓసారి వారి ఇంటికెళ్లి నిర్మలను పెళ్లి చేసుకుంటానని చెప్పాడు. అందుకు ఆమె కుటుంబ సభ్యులు అంగీకరించలేదు. ఈ నేపథ్యంలోనే రెండు నెలల క్రితం భోజరాజ్కు మరో యువతితో వివాహమైంది. పొరుగు జిల్లాలో చదువుతున్న నిర్మల ఇటీవల స్వగ్రామానికి వచ్చింది. గురువారం మధ్యాహ్నం ఎవరూ లేని సమయంలో నిర్మల ఇంటికి వెళ్లిన భోజరాజ్ ఆమెతో గొడపడ్డాడు. తనతో తీసుకెళ్లిన కత్తితో ఆమె తల నరికి హత్య చేశాడు. తలను బైకుకు ఉన్న సంచిలో పెట్టుకుని పోలీస్ స్టేషన్కు వెళ్లి లొంగిపోయాడు.
కస్టడీ నుంచి వచ్చి విగతజీవిగా.. ఓ యాక్సిడెంట్ కేసులో పోలీస్ స్టేషన్కు వెళ్లిన 42 ఏళ్ల సంజీవన్ అనే వ్యక్తి.. ఇంటికి చేరకుండానే ప్రాణాలు కోల్పోయాడు. గురువారం రాత్రి కేరళ కోజికోడ్లో ఈ సంఘటన జరిగింది. కస్టడీలో పోలీసుల చిత్రహింసలతోనే ఆ వ్యక్తి మరణించాడని బంధువులు ఆరోపిస్తున్నారు. మరోవైపు.. దీనిని ఖండించారు పోలీసులు. గుండెపోటుతో చనిపోయాడని వెల్లడించారు.
ఇదీ జరిగింది.. సంజీవన్ మరో ఇద్దరితో కలిసి గురువారం రాత్రి కారులో వెళ్తూ వటాకర మరో వాహనాన్ని ఢీకొట్టాడు. ఈ ఘటనలో వారిని స్టేషన్కు తీసుకెళ్లి కేసు నమోదు చేసినట్లు పోలీసులు తెలిపారు. కారును స్వాధీనం చేసుకొని ఇంటికి వెళ్లమని చెప్పినట్లు పేర్కొన్నారు. అనంతరం.. మార్గమధ్యలోనే హార్ట్ అటాక్తో చనిపోయినట్లు వివరించారు.
''సంజీవన్, అతడి స్నేహితులను కారుతో సహా స్టేషన్కు అర్ధరాత్రి తీసుకెళ్లాం. వారు తాగి ఉన్నారు. ఒక వ్యక్తి కనీసం నిల్చోలేకపోతున్నాడు. డ్రంక్ అండ్ డ్రైవింగ్ కేసు నమోదు చేశాం. అనంతరం.. డ్రైవింగ్ చేయొద్దని చెప్పి వదిలేశాం. మార్గమధ్యలోనే.. సంజీవన్కు ఆరోగ్య సమస్యలు తలెత్తాయి. కొందరు.. అతడిని ఆస్పత్రికి తరలించినా ప్రాణాలు దక్కలేదు.''
- విజీశ్, వటాకరా స్టేషన్ హౌస్ ఆఫీసర్
ఇవీ చూడండి: కోడలిపై అత్తమామల చిత్రహింసలు.. కత్తితో పొడిచి.. ప్రైవేట్ పార్టుల్లో కర్రను పెట్టి..
మహిళా కానిస్టేబుల్ కుటుంబంలో ముగ్గురు మృతి.. బయట డోర్ లాక్.. దుర్వాసనతో..!
