సుమారు 5 కేజీల బరువు. ధర రూ.47 వేలు. ఏంటని అనుకుంటున్నారా? కేరళ ఇడుక్కిలో ఓ గుమ్మడికాయ.. వేలంలో పలికిన ధర ఇది. అదేంటి మరీ ఇంత ధర అనుకుంటున్నారా? అయితే ఓ సారి గుమ్మడికాయ గురించి తెలుసుకోవాల్సిందే.
ఇడుక్కిలోని చెమ్మన్నార్ గ్రామం కొండ ప్రాంతంలో ఉంది. అయితే ఓనం పండగ సందర్భంగా నిర్వహించిన బహిరంగ వేలంలో 5కిలోల గుమ్మడికాయ భారీ ధర పలికింది. రూ.47 వేలకు వేలం పాడాడు ఓ వ్యక్తి.
సాధారణంగా ఓనం పండగ సమయంలో నిర్వహించే వేలంలో పొట్టేలు, కోళ్లు వేల రూపాయలు పలుకుతాయి. అయితే ఈ సారి వేలంలో మాత్రం గుమ్మడికాయ భారీ ధర పలకడం పలువురిని ఆశ్చర్యానికి గురిచేసింది. వేలం పాట నిర్వహకులకు ఎవరో ఫ్రీగా ఇచ్చిన గుమ్మడికాయ ఇంత ధర పలకడం వల్ల సంతోషపడుతున్నారు.
ఇవీ చదవండి: 'ఆయనే నిజమైన దేవుడు!'.. వివాదాస్పద పాస్టర్తో రాహుల్ సంభాషణ వైరల్
