భార్యను కంటికి రెప్పగా కాపాడే భర్తలను చూస్తుంటాం. కానీ కర్ణాటక.. బెంగళూరులోని ఓ భర్త మాత్రం తన భార్యను అతని స్నేహితులతో శృంగారం చేయమని బలవంతం చేస్తున్నాడు. తాను చెప్పిన మాట వినకుంటే ఆమెను వివిధ రకాలుగా టార్చర్ పెడుతున్నాడు. ఎంతోకాలం సహించిన బాధితురాలు.. తట్టుకోలేక భర్తపై పోలీస్స్టేషన్లో ఫిర్యాదు చేసింది.
పోలీసులు తెలిపిన వివరాల ప్రకారం.. కర్ణాటకలోని తనిసంద్రలో నివాసముంటున్న బాధితురాలికి 2011లో జాన్ అనే వ్యక్తితో వివాహం జరిగింది. వారిద్దరికి ఒక కొడుకు కూడా ఉన్నాడు. కొంతకాలం తర్వాత అతడి ప్రవర్తనలో మార్పులు వచ్చాయి. రోజూ మద్యం తాగి ఇంటికి వచ్చి విధ్వంసం సృష్టించేవాడు. అంతే కాకుండా భార్యను కొట్టి హింసించేవాడు.
2015లో జాన్ తన స్నేహితులతో సెక్స్లో పాల్గొనమని భార్యను బలవంతపెట్టాడు. దానికి నిరాకరించిన భార్యను వివిధ రకాలుగా టార్చర్ పెట్టాడు. ఆ హింసను భరించలేక ఆమె రెండుమూడు సార్లు జాన్ స్నేహితులిద్దరితో సెక్స్లో పాల్గొంది. ఆ సమయంలో మహిళకు తెలియకుండా కొన్ని ఫొటోలను తీసి వాటిని దాచుకుని ఆమెను బ్లాక్ మెయిల్ చేయడానికి సిద్ధపడ్డాడు.
ఉద్యోగ రీత్యా 2019లో తమ ఇంట్లో ఉండేందుకు వచ్చిన మహిళ సోదరిపై జాన్ కన్నేశాడు. ఆమెను కూడా తన ఫ్రెండ్స్తో సెక్స్లో పాల్గొనేలా చేయాలంటూ భార్యను ఒత్తిడి చేశాడు. దీనికి నిరాకరించిన మహిళ.. అతనితో విడిపోయేందుకు నిర్ణయించుకుంది. అందుకు ఆగ్రహించిన భర్త.. బాధితురాలి ప్రైవేట్ ఫొటోలను సామాజిక మాధ్యమాల్లో అప్లోడ్ చేస్తానని బెదిరించాడు.
దీంతో ఆ ఆలోచన విరమించుకుంది. కానీ అతడి టార్చర్ తట్టుకోలేక మహిళ మరోసారి డిసంబర్ 4న విడాకులు అడిగింది. దీంతో ఆమె వాట్సాప్కు రెండు ప్రైవేట్ ఫొటోలను జాన్ పంపించాడు. ఆమెకు పంపించినట్లే మిగతా అందరికి పంపిస్తానని హెచ్చరించాడు. దీంతో భయాందోళనకు గురైన మహిళ పోలీసులను ఆశ్రయించింది. కేసు నమోదు చేసుకున్న పోలీసులు తదుపరి దర్యాప్తును ప్రారంభించారు.
