కేరళలో (Heavy Rainfall in Kerala) కుండపోత వర్షాలకు ఇల్లు కూలి ఇద్దరు చిన్నారులు దుర్మరణం చెందారు. మలప్పురం జిల్లాలోని కరిప్పుర్లో ఈ ఘటన జరిగింది. చనిపోయినవారిలో ఆరు నెలల చిన్నారి రింజానా సహా ఆమె 8 ఏళ్ల సోదరి రిజ్వానా ఉన్నట్లు పోలీసులు తెలిపారు.
ముందోట్టుపదం సమీపంలోని మతాంకులంలో ఉన్న ఈ ఇల్లు చిన్నారుల తాతదని పోలీసులు తెలిపారు. మంగళవారం ఉదయం 4.30గంటల సమయంలో పక్కనే నిర్మాణంలో ఉన్న భవనం కూలి వారున్న ఇంటిపై పడటం వల్ల ఈ విషాద ఘటన జరిగిందని (Kerala Rainfall News) స్థానికులు తెలిపారు.
చిన్నారులను ప్రైవేటు ఆస్పత్రులకు తరలించినా ప్రాణాలు దక్కలేదు.
సోమవారం నుంచి కేరళలో జోరుగా వర్షం పడుతోంది. అక్టోబర్ 15 వరకు భారీ నుంచి అతి భారీ వానలు కురిసే అవకాశం ఉందని (Heavy Rainfall Alert in Kerala) అధికారులు అంచనా వేస్తున్నారు.
ఇదీ చూడండి: భారీ వర్షాలకు కూలిన ఇల్లు.. ఏడుగురు దుర్మరణం
