అమెజాన్, నెట్ఫ్లిక్స్ వంటి ఓటీటీలు, ఇతర డిజిటల్ వేదికలు... సమాచార ప్రసార మంత్రిత్వ శాఖ పరిధిలోకి రానున్నాయి. ఈ మేరకు ఆదేశాలు జారీ చేసింది కేంద్ర ప్రభుత్వం. ఆన్‌లైన్ చలనచిత్రాలు, ఆడియో-విజువల్ ప్రోగ్రామ్స్, ఆన్‌లైన్ వార్తలు, వర్తమాన వ్యవహారాలకు సంబంధించిన ప్లాట్ఫామ్స్ అన్నింటికీ ఈ ఆదేశాలు వర్తిస్తాయి.
ఓటీటీలను సమాచార ప్రసార శాఖ పరిధిలోకి తీసుకొస్తూ కేబినెట్ రూపొందించిన దస్త్రంపై రాష్ట్రపతి రామ్నాథ్ కోవింద్ సంతకం చేశారు. రాజ్యాంగంలోని ప్రకరణ 77లోని క్లాజ్ (3)ను భారత ప్రభుత్వ (బిజినెస్ కేటాయింపు) నిబంధనలు-1961 ప్రకారం ఈ నిర్ణయం తీసుకున్నట్లు వెల్లడించింది కేంద్రం. దీంతో ఆన్‌లైన్ వేదికల్లో వచ్చే వార్తలు, ఆడియో, విజువల్స్, చిత్రాలకు సంబంధించిన విధానాలను నియంత్రించే అధికారం మంత్రిత్వ శాఖకు ఉంటుందని తెలిపింది. ఇది వెంటనే అమలులోకి వస్తుందని పేర్కొంది.
ఇదీ చూడండి: మాపై ఎలాంటి ఒత్తిళ్లు లేవు: ఈసీ
