Bangalore Girl Gang Rape: కర్ణాటకలో దారుణం జరిగింది. ఓ బాలిక(16)పై ఎనిమిది మంది అత్యాచారానికి పాల్పడ్డారు. బెంగళూరులోని యెలహంక ప్రాంతంలో ఈ ఘోరం జరిగింది. ఘటనను వీడియో తీసి బాలికపై బెదిరింపులకు పాల్పడ్డారు నిందితులు. ఈ విషయాన్ని ఎవరికైనా చెబితే చంపేస్తామని బెదిరించారు.
ఓ రోజు బాలిక ఏడుస్తూ ఇంటికి రాగా.. తల్లిదండ్రులు ప్రశ్నించారు. అయితే.. భయంతో కాబాబ్లో కారం కారణంగా ఏడిచానని తెలిపింది బాలిక. కానీ ఆలస్యంగా బాలిక నుంచి సమాధానం రాబట్టిన తల్లిదండ్రులు.. అసలు విషయాన్ని తెలుసుకున్నారు. యెలహంక పోలీసులకు ఫిర్యాదు చేశారు. కేసు నమోదు చేసిన పోలీసులు.. ఆరుగురు నిందితులను అరెస్టు చేశారు. మరో ఇద్దరి కోసం గాలింపు చేపట్టారు.
పబ్లిక్ టాయిలెట్లో: మహారాష్ట్ర పుణెలో దారుణం జరిగింది. పబ్లిక్ టాయిలెట్లో బాలిక(13)పై అత్యాచారానికి పాల్పడ్డాడు ఓ దుండగుడు. ఈ ఘటన పుణె రైల్వే స్టేషన్లో శుక్రవారం మధ్యాహ్నం జరిగింది. దుండగుడు టాయిలెట్లోకి ప్రవేశిస్తుండగా.. బాధితురాలి మామయ్య చూసి, పోలీసులకు సమాచారం అందించాడు. అయితే ఆ దుండగుడు అక్కడి నుంచి పారిపోయాడు. కేసు నమోదు చేసిన పోలీసులు.. దర్యాప్తు చేపట్టారు.
ఇదీ చదవండి: ప్రేమను కాదన్న యువతి హత్య.. నీటిలో తోసి.. మళ్లీ వచ్చి కత్తితో పొడిచి.
