ఉత్తర్ప్రదేశ్లో ఏడాదిన్నర క్రితం మరణించిన ఓ వ్యక్తి మృతదేహానికి.. అంత్యక్రియలు చేపట్టకుండా ఇంట్లోనే ఉంచుకున్నారు కుటుంబసభ్యులు. సమాచారం అందుకున్న పోలీసులు.. ఆ ఇంటికి చేరుకుని మృతదేహాన్ని స్వాధీనం చేసుకున్నారు. అనంతరం స్థానిక ఎల్ఎల్ఆర్ ఆస్పత్రికి తరలించారు. అసలేం జరిగిందంటే..
పోలీసుల వివరాల ప్రకారం..
రావత్పుర్లోని శివపురి ప్రాంతానికి చెందిన విమలేశ్(38) అనే వ్యక్తి .. అహ్మదాబాద్లో ఆదాయపు పన్ను శాఖలో పనిచేసేవాడు. 2021 ఏప్రిల్ 22న అతడు మరణించాడు. అయితే విమలేశ్ మృతి చెందినా.. అతడు కోమాలో ఉన్నాడని అందరికీ చెబుతూ మృతదేహాన్ని ఇంట్లోనే ఉంచుకున్నారు కుటుంబసభ్యులు. అయితే విమలేశ్ భార్య మిథాలీ స్థానిక కో-ఆపరేటివ్ బ్యాంక్లో మేనేజర్గా పనిచేస్తుంది. పెన్షన్ దరఖాస్తు చేయడానికి విమలేశ్ మరణ ధ్రువీకరణ పత్రాన్ని ఆమె సమర్పించడంతో మొత్తం విషయం బయటపడింది. ఆదాయ పన్నుశాఖ.. సీఎంవోకు ఈ విషయాన్ని తెలియజేసింది. సీఎంవో వెంటనే మృతదేహాన్ని స్వాధీనం చేసుకోవాలని పోలీసులకు ఆదేశించింది.
సమచారం అందుకున్న పోలీసులు.. వెంటనే విమలేశ్ ఇంటికి చేరుకున్నారు. మృతదేహాన్ని స్వాధీనం చేసుకుని అంబులెన్స్లో ఎల్ఎల్ఆర్ ఆస్పత్రికి తరలించారు. అయితే విమలేశ్ మృతదేహం పూర్తిగా చెడిపోయిందని వైద్యులు చెబుతున్నారు. ఎముకల్లో మాంసం కూడా ఎండిపోయిందని తెలిపారు. అయితే ఏడాదిన్నరగా మృతదేహాన్ని ఎలా ఇంట్లో ఉంచుకుంటారని స్థానికులు మండిపడుతున్నారు.
ఇవీ చదవండి: పాపం గజరాజు.. కరెంట్ షాక్కు గురై అక్కడిక్కడే..
స్కూల్ టాయిలెట్ క్లీన్ చేసిన భాజపా ఎంపీ.. ఖాళీ చేతులతోనే..
