తమిళనాడులో మరో ఆన్లైన్ మోసం బయటపడింది(online fraud complaint). పెరంబర్ ప్రాంతంలో.. ఓ ఫేక్ స్నాప్డీల్ వెబ్సైట్కు(fake snapdeal call) బాధితుడయ్యాడు వినోద్ అనే వ్యక్తి. ఈ వ్యవహారంలో రూ. 5లక్షలు పోగొట్టుకున్నాడు.
ఓ ప్రైవేటు సంస్థలో పనిచేస్తున్న వినోద్.. కొన్ని రోజుల క్రితం ఆన్లైన్ షాపింగ్ వెబ్సైట్లో రిజిస్టర్ చేసుకున్నాడు. అది ఫేక్ వెబ్సైట్ అని అతడికి తెలియలేదు. కొన్ని రోజుల తర్వాత ఆ సైట్ నుంచి వస్తువులు కొనుగోలు చేశాడు. అది జరిగిన కొన్ని రోజులకు.. షూలు అతడికి ఫ్రీ గిఫ్ట్గా వచ్చాయి.
షూ అందుకున్న తర్వాతి రోజే, వినోద్కు ఆన్లైన్ పోర్టల్ నుంచి ఓ ఫోన్ వచ్చింది. రూ. 18లక్షలు విలువైన బహుమతి అతడు పొందినట్టు, చెక్ పంపిస్తామని ఫోన్లో చెప్పారు. అందుకోసం వినోద్ రూ. 5లక్షలు చెల్లించాలన్నారు. అది నమ్మేసిన వినోద్.. రూ. 5లక్షలు కట్టేశాడు.
ఆన్లైన్ పోర్టల్లో రూ. 18లక్షలు విలువైన కానుకను పొందినట్టు వినోద్.. అతడి స్నేహితులతో చెప్పుకున్నాడు. ఈ క్రమంలోనే ఓ స్నేహితుడు వినోద్ను అప్రమత్తం చేశాడు. ఇలాంటి మోసాలు బయట ఎక్కువగా జరుగుతున్నట్టు చెప్పాడు. దీంతో తాను మోసపోయానని తెలుసుకున్న వినోద్.. వెంటనే ఒట్టారి పోలీస్ స్టేషన్లో ఫిర్యాదు చేశాడు. మోసానికి పాల్పడిన వారు దిల్లీలో ఉంటారని, ప్రజలకు కానుకలు, డబ్బుల వల వేసి దోచుకోవడం వారికి అలవాటని ప్రాథమిక దర్యాప్తులో తేలింది.
ఇలాంటి మోసాలు భవిష్యత్తులో జరగకుండా చూసుకోవాలని చెన్నై పోలీస్ కమిషనర్ కార్యాలయంలో ఫిర్యాదు చేశాడు వినోద్.
ఇవీ చూడండి:-
