Jammu Kashmir encounter: జమ్ముకశ్మీర్లో జరిగిన ఎన్కౌంటర్లో ముగ్గురు ఉగ్రవాదులు హతమయ్యారు. ఒక పోలీసు అమరుడయ్యారు. చనిపోయిన ముష్కరులు పాకిస్థాన్కు చెందిన జైషే మహ్మద్ సంస్థకు చెందిన వారని అధికారులు ప్రాథమికంగా నిర్ధరించారు. ఘటనా స్థలంలో ఆయుధాలు, మందుగుండు సామగ్రి లభించినట్లు పోలీసులు తెలిపారు.
"జైషే మహ్మద్ ఉగ్రవాద సంస్థకు చెందిన ముగ్గురు పాకిస్థానీ ఉగ్రవాదులను మట్టుబెట్టాం. వారు గత నాలుగు నెలలుగా చురుకుగా ఉన్నారు. వారి కదలికలపై ఇప్పటివరకు నిఘా పెట్టాం. ఈ ఎన్కౌంటర్లో ఒక పోలీసు వీరమరణం పొందారు."
-విజయ్ కుమార్, కశ్మీర్ ఐజీపీ
బారాముల్లా జిల్లా క్రీరీ ప్రాంతంలోని నజీభట్ క్రాసింగ్ వద్ద బుధవారం ఉదయం ఈ ఎన్కౌంటర్ జరిగింది. పోలీసులు, సైన్యం సంయుక్తంగా ఈ ఆపరేషన్లో పాల్గొన్నాయి. ముగ్గురు ఉగ్రవాదుల్ని మట్టుబెట్టాయి. ముష్కరుల కాల్పుల్లో గాయపడి.. ఓ పోలీసు ప్రాణాలు కోల్పోయారు. ఈ ఏడాదిలో ఇప్పటివరకు 22 మంది ఉగ్రవాదులను మట్టుబెట్టినట్లు కశ్మీర్ ఐజీపీ విజయ్ కుమార్ తెలిపారు.
ఇదీ చదవండి: మరో పరువు హత్య.. 'నాన్నా.. నన్ను చంపొద్దు ప్లీజ్'.. ఆడియో వైరల్
