Director Rapes Actress Mumbai: ఓ నటిపై సినీదర్శకుడు అనేకసార్లు అత్యాచారానికి పాల్పడ్డ ఘటన ఆలస్యంగా వెలుగులోకి వచ్చింది. అత్యాచారం చేయడమే కాక.. ఆ దృశ్యాలను వీడియో తీసి వైరల్ చేస్తానని బెదిరించాడు. అలా భయపెట్టి 2017 మే నుంచి 2022 మార్చి 26 వరకు పలు సందర్భాల్లో ఆమెపై అఘాయిత్యానికి పాల్పడ్డాడు. ఎట్టకేలకు బాధితురాలు పోలీసులను ఆశ్రయించింది.
ఏమైందంటే..?
Director Rapes Actress Mumbai: మహారాష్ట్ర, పుణెకు చెందిన ఓ యువతి(21) సినీపరిశ్రమలో నటిగా పనిచేస్తోంది. అయితే దర్శకుడు అమిత్ సిత్లాని, ఆ నటి 2017 మేలో ఓ ఫ్రెండ్ ఇంట్లో జరిగిన పార్టీలో కలుసుకున్నారు. అక్కడే తొలిసారి నటిపై దర్శకుడు అమిత్ అత్యాచారానికి పాల్పడ్డాడు. ఆ దృశ్యాలను చిత్రీకరించి సామాజిక మాధ్యమాల్లో వైరల్ చేస్తానని బెదిరించాడు. అలా భయపెట్టి పలుమార్లు ఆమెపై అఘాయిత్యానికి పాల్పడుతూ వచ్చాడు. తనకు సినీ పరిశ్రమలో వేలమంది సన్నిహితులు ఉన్నారని.. ఈ విషయం బయట చెప్తే తనకు అవకాశాలు రాకుండా చేస్తానని బెదిరించాడు. ఎట్టకేలకు ఆ నటి విశ్వంత్వాడీ పోలీస్స్టేషన్ను ఆశ్రయించింది. బాధితురాలి ఫిర్యాదు మేరకు పోలీసులు కేసు నమోదుచేశారు.
మదర్సాలో బాలికపై..
Girl Molested In Madarsa: మదర్సాలో చిన్నారుల బాగోగులు చూసుకోవాల్సిన వ్యక్తే వారి పట్ల కామాంధుడిగా మారాడు. పదేళ్ల చిన్నారిపై అత్యాచారానికి లైంగిక వేధింపులకు పాల్పడ్డాడు. మహారాష్ట్రలోని నాలసోపరాలో ఆదివారం ఉదయం 10 గంటల సమయంలో ఈ ఘటన జరిగింది. మదర్సాలోలో పనిచేసే అష్రఫ్ అలీ షేక్(24) చిన్నారిని నిర్మానుష్య ప్రాంతానికి తీసుకెళ్లి లైంగిక వేధింపులకు పాల్పడుతుండగా స్థానికులు చూసి అతడ్ని చితకబాదారు. ఆ తర్వాత పోలీసులకు అప్పగించారు. ఈ ఘటనపై వాలివ్ స్టేషన్ పోలీసులు కేసు నమోదు చేశారు.
ప్రభుత్వ కార్యాలయంలోనే..
Reva Minor girl Raped: మైనర్ బాలికకు బలవంతంగా మద్యం తాగించి ఆమెపై అత్యాచారానికి పాల్పడ్డాడు ఓ మత బోధకుడు. అతడికి కొంతమంది స్నేహితులు కూడా సహకరించారు. ఈ ఘటన మధ్యప్రదేశ్లోని రేవాలో జరిగింది. మార్చి 28న బాలికను రేవాలోని ప్రభుత్వ సర్క్యూట్ హౌస్లోకి తీసుకెళ్లి అత్యాచారానికి పాల్పడినట్లు పోలీసులు తెలిపారు. ఆ తర్వాత స్నేహితుల సాయంతో బాలికను కారులో మరొక ప్రాంతానికి తరలిస్తుండగా ఆమె తప్పించుకుని పోలీసులను ఆశ్రయించింది. బాధితురాలి ఫిర్యాదు మేరకు సివిల్ లైన్స్ స్టేషన్ పోలీసులు కేసు నమోదు చేశారు. ఇప్పటికే ఈ ఘటనకు సంబంధించి ఒకరిని అరెస్ట్ చేశారు పోలీసులు. డ్రైవర్ సహా మిగతావాళ్లు పరారీలో ఉన్నారు.
ఇదీ చూడండి: భార్యపై అనుమానం.. పిల్లలు సహా నలుగురి హత్య!
