కరోనా పరీక్షలకు ప్రైవేట్ ల్యాబ్లు ప్రజల నుంచి అధిక ఫీజు వసూలు చేయకుండా చూసేందుకు ఓ యంత్రాంగాన్ని రూపొందించాలని కేంద్రాన్ని ఆదేశించింది సుప్రీంకోర్టు. ఆ ఫీజు మొత్తాన్ని ప్రభుత్వం ప్రజలకు రీఎంబర్స్ చేసే విధానం అమలుకు నిర్దేశించింది.
దేశ ప్రజలందరికీ ఉచితంగా కరోనా పరీక్షలు నిర్వహించేలా ఆదేశాలు ఇవ్వాలని కోరుతూ దాఖలైన వ్యాజ్యంపై విచారణ చేపట్టింది సుప్రీంకోర్టు.
'లాక్డౌన్ ఎంతకాలమో చెప్పలేం'
వైరస్పై తీసుకుంటున్న చర్యలను కేంద్రం తరఫున సొలిసిటర్ జనరల్ తుషార్ మెహతా సుప్రీంకోర్టుకు నివేదించారు. దేశంలో వైరస్ విస్తరణ దశలో ఉందని.. ఎన్ని ల్యాబ్లు అవసరమవుతాయో అంచనా వేసే అవకాశం లేదని పేర్కొన్నారు. లాక్డౌన్ ఎంతకాలం కొనసాగుతుందో చెప్పలేమని తెలిపారు. 118 ల్యాబ్ల ద్వారా రోజుకు 15,000 వైరస్ పరీక్షలను నిర్వహిస్తున్నట్లు సుప్రీంకు వివరించారు. 47 ప్రైవేటు ల్యాబ్లకు వైరస్ పరీక్షలకు అనుమతించినట్లు తెలిపారు.
ఇదీ చూడండి: నిత్యావసరాలను అక్రమంగా నిల్వ చేస్తే ఏడేళ్లు జైలు!
