ఆస్తి కోసం తమ్ముడిని నడిరోడ్డుపై నరికేశారు!

కర్ణాటక హుబ్బళ్లిలో ఆస్తి కోసం హంతకులయ్యారు ఇద్దరు వ్యక్తులు. తమ్ముడిని విచక్షణారహితంగా నరికిచంపేశారు. వీరిపై కేసు నమోదు చేసి, విచారణ చేపట్టారు పోలీసులు.

కర్ణాటక హుబ్బళ్లిలో దారుణం జరిగింది. ఆస్తిపై మమకారంతో తమ్ముడిని నరికి చంపారు ఇద్దరు కర్కశులు.

హుబ్బళ్లిలోని కమలాపుర్​కు చెందిన ఉమేశ్​ బలగీకి... అతడి పెదనాన్న కొడుకులు చెన్నప్ప, బాసప్పకు మధ్య చాలా రోజులుగా ఆస్తి తగాదాలు ఉన్నాయి. దీంతో స్కూటర్​పై బయల్దేరిన తమ్ముడు ఉమేశ్​పై కత్తులతో దాడికి పాల్పడ్డారు అన్నయ్యలు చెన్నప్ప, బాసప్ప. ఈ దృశ్యాలు సీసీటీవీలో స్పష్టంగా రికార్డయ్యాయి. తీవ్రంగా గాయపడిన ఉమేశ్ అక్కడిక్కడే ప్రాణాలు విడిచాడు.

చెన్నప్ప, బాసప్ప సహా ఈ హత్యతో సంబంధమున్న ఏడుగురిపై ఉమేశ్​ భార్య ఉమ ఫిర్యాదు చేసింది. అయితే, సీసీటీవీలో కనిపించిన ఇద్దరిపైనే కేసు నమోదు చేశారు పోలీసులు.

ఇదీ చదవండి:కరోనా వేళ... పోషకాహారంతో రక్షణ