కరోనా వైరస్​పై పోరుకు భారత్​ సరికొత్త వ్యూహం

కరోనా వైరస్​ పరీక్షల వ్యూహాన్ని మార్చాలని భారత వైద్య పరిశోధన మండలి నిర్ణయించింది. భారత్​లో కేసుల సంఖ్య అంతకంతకూ పెరుగుతున్న నేపథ్యంలో ఈ నిర్ణయం తీసుకుంది. అనారోగ్య సమస్యలతో ఆస్పత్రుల్లో చేరే వారికి ఐదు రోజులకు, 14 రోజులకు ఒకసారి కొవిడ్​-19 పరీక్షలు నిర్వహించాలని మార్గదర్శకాలను జారీ చేసింది.

కరోనా వైరస్‌ మరింత విస్తరించకుండా అడ్డుకునేందుకు పరీక్షా వ్యూహాన్ని మార్చాలని భారత వైద్య పరిశోధన మండలి (ఐసీఎంఆర్​) నిర్ణయించింది. తీవ్ర శ్వాస సమస్య, జ్వరం, దగ్గు సమస్యలతో ఆసుపత్రుల్లో చేరేవారికి కూడా కొవిడ్‌-19 పరీక్షలు నిర్వహించాలని నిర్ణయించింది. ఆయా సమస్యలతో ఆసుపత్రుల్లో చేరే వ్యక్తులకు 5 రోజులకు ఒకసారి, 14 రోజులకు మరోసారి పరీక్షలు నిర్వహించాలని సూచించింది. ఈ మేరకు ఐసీఎంఆర్​ కొత్త మార్గదర్శకాలను విడుదల చేసింది.