ఛత్తీస్గఢ్ బెమెతరా జిల్లాలోని ఓ పెట్రోల్ బంకులో ఓ ద్విచక్ర వాహనంలో పెట్రోలు నింపుతుండగా ఒక్కసారిగా మంటలు చెలరేగాయి. పెట్రోలు బంకు సిబ్బంది అప్రమత్తతతో పెను ప్రమాదం తప్పింది.
బైక్ ట్యాంకు నుంచి మంటలు.. తృటిలో తప్పిన ప్రమాదం
ఇదీ జరిగింది!
దూర ప్రయాణం చేసి వచ్చిన ఓ వ్యక్తి... బైక్లో పెట్రోలు నింపడానికి నవాగఢ్ పట్టణంలోని జైస్వాల్ పెట్రోల్ బంకు వద్దకు వెళ్లాడు. ఈ క్రమంలోనే పెట్రోలు నింపుతున్నప్పుడు ట్యాంకు నుంచి ఒక్కసారిగా మంటలు చెలరేగాయి. వెంటనే అప్రమత్తమైన సిబ్బంది.. అందుబాటులో ఉన్న కార్బన్ డై ఆక్సైడ్తో మంటలను అదుపు చేశారు. దీంతో ఘటనాస్థలంలో ఉన్నవారు తృటిలో ప్రమాదం నుంచి బయటపడ్డారు. ఈ దృశ్యాలన్నీ అక్కడే ఉన్న సీసీటీవీ కెమెరాలో రికార్డు అయ్యాయి. ఆ బైక్ ఎండలో ప్రయాణించి రావడమే ఈ ఘటనకు కారణమని తెలుస్తోంది.
ఇదీ చూడండి: వరద ధాటికి కూలిన వంతెనలు.. ముగ్గురు మృతి
