ఆన్లైన్కొస్తే ప్రేమ పుట్టింది.. ఇంటికొస్తే పెళ్లైపోయింది! ఫేస్బుక్లో చిగురించిన ప్రేమకు బలవంతంగా శుభం కార్డు పడింది. పెద్దల కంటపడి పెళ్లి చేసుకోవాల్సి వచ్చింది.ఒడిశా బాలేశ్వర్ జిల్లా మణిపుర్ సోరోలోని గులునియా గ్రామానికి చెందిన సురేంద్ర బెహెరా కుమార్తె, కుబబుపాట్న గ్రామానికి చెందిన బైకుంటకు ఫేస్బుక్లో పరిచయం ఏర్పడింది. కొద్ది రోజులు చాటింగ్లోనే ప్రేమాయాణం నడిపారు. తర్వాత ఫోన్ నంబర్లు ఇచ్చిపుచ్చుకుని కాస్త దగ్గరయ్యారు. కొద్ది రోజులుగా వీరిద్దరు కలుసుకోవాలని అనుకుంటున్నారు.
గురువారం ఉదయం ఇంట్లో ఎవరూ లేరని సందేశం పంపింది అమ్మాయి. ఎట్టకేలకు ప్రియసఖిని ఏకాంతంగా కలిసే అవకాశం వచ్చిందని ఉత్సాహంగా వచ్చాడు బైకుంట. కానీ, అతడు ఇంట్లోకి వెళ్తున్న సంగతి గమనించిన చుట్టు పక్కల వారు ఈ విషయాన్ని అమ్మాయి తల్లి చెవిలో వేశారు.
ఇంకేముంది.. ప్రేమ మాటల్లో మునిగి ఉన్న ఇద్దరూ రెడ్ హ్యాండెడ్గా పట్టుబడ్డారు. మీ ప్రేమ నిజమే అయితే ఇప్పుడే పెళ్లి చేసుకోవాలంటూ గ్రామస్థులంతా కలిసి బలవంతంగా పెళ్లి చేశారు.
ఇదీ చూడండి:37 ఏళ్ల తర్వాత భారత్కు తిరిగొచ్చిన 'నటరాజు'..!
