కరోనా పంజా: 23 లక్షలు దాటిన కేసులు

దేశంలో కరోనా కరాళ నృత్యం చేస్తోంది. ఒక్కరోజే 60,963 కేసులు నమోదయ్యాయి. మరో 834 మందిని మహమ్మారి బలి తీసుకుంది. ఫలితంగా మొత్తం కేసుల సంఖ్య 23 లక్షలు దాటింది.

భారత్​లో కరోనా శరవేగంగా విస్తరిస్తోంది. ఒక్కరోజులో నమోదవుతున్న కేసుల సంఖ్యలో మళ్లీ పెరుగుదల కనిపించింది. తాజా 60,963 మంది వైరస్ బారిన పడ్డారు. దీంతో మొత్తం కేసుల సంఖ్య 23 లక్షల మార్కును దాటింది. మరో 834 మంది కొవిడ్​తో ప్రాణాలు కోల్పోయారు.

కరోనా పంజా: 23 లక్షలు దాటిన కేసులు

ఆగస్టు 7న భారత్​లో కేసుల సంఖ్య 20లక్షలు దాటగా... ఐదు రోజుల వ్యవధిలోనే మరో 3లక్షలు కేసులు నమోదయ్యాయి. మరోవైపు కరోనా నుంచి కోలుకున్నవారి సంఖ్యలో పెరుగుదల కనిపిస్తోంది. యాక్టివ్​ కేసుల సంఖ్య 6,43,948 ఉండగా... ఇది మొత్తం కేసుల్లో 27.64 శాతమే.

ఇప్పటివరకు 2 కోట్ల 60 లక్షల మందికిపైగా కరోనా పరీక్షలు నిర్వహించినట్లు భారత వైద్య పరిశోధన మండలి(ఐసీఎంఆర్​) తెలిపింది.

ఇదీ చూడండి: ఇక సురక్షితంగా ఈ-వ్యర్థాల నిర్వీర్యం!