Granddaughters Killed Grandma: తమిళనాడు తిరునెల్వేలి జిల్లా పెట్టాయ్లో సొంత బామ్మనే కడతేర్చారు ఇద్దరు మనవరాళ్లు. 90 ఏళ్ల వృద్ధురాలైన ఆమెను సాకలేక ఈ దారుణ చర్యకు పాల్పడ్డారు. పోలీసులు చెప్పిన వివరాల ప్రకారం.. మే 3న ఆధాం నగర్ రోడ్డు డంపింగ్ యార్డులో ఓ కాలిపోయిన మృతదేహాన్ని గుర్తించారు. పోలీసులు అక్కడకు వెళ్లి శవాన్ని జిల్లా ఆస్పత్రికి తరలించారు. పరీక్షించిన వైద్యులు అది ఓ వృద్ధురాలి మృతదేహం అని ఖరారు చేశారు.
విచారణ చేపట్టిన పోలీసులు ఆధాం నగర్ ప్రాంతంలో సీసీటీవీ కెమెరాలు పరీశీలించారు. ఈ ఘటనతో సంబంధమున్న ఓ ఆటో డ్రైవర్ను ఫుటేజీలో గుర్తించారు. అతడ్ని స్టేషన్కు తీసుకెళ్లి విచారించగా.. అసలు విషయం వెలుగులోకి వచ్చింది. ఆ మృతదేహం సుబ్బమ్మది అని, ఆమెను చూసుకునే మనవరాళ్లు మేరి, మరియమ్మే నిప్పంటించి హతమార్చినట్లు తెలిసింది.
Tirunelveli news: వృద్ధురాలి బాగోగులు చూసుకోవడం భారంగా మారిందనే ఇద్దరు మనవరాళ్లు ఆమెను చంపారని పోలీసులు వెల్లడించారు. ఆమెను ఆధాం నగర్ డంపింగ్ యార్డుకు తీసుకెళ్లి పెట్రోల్ పోసి నిప్పంటించారని పేర్కొన్నారు. ఇద్దరినీ అరెస్టు చేసి కోర్టు ఎదుట హాజరుపరిచినట్లు చెప్పారు. న్యాయస్థానం ఆదేశాలతో ఇద్దరినీ రిమాండ్కు తరలించారు. సొంత మనవరాళ్లే తమ బామ్మను దారుణంగా చంపారని తెలిసి స్థానికులు షాకయ్యారు.
Sonam Shulka Murder: మహారాష్ట్ర ముంబయిలోని గోరెగావ్లో 18 ఏళ్ల యువతి మృతదేహం ఓ సంచిలో బీచ్కు కొట్టకురావడం కలకలం రేపింది. ఈ కేసుకు సంబంధించి నిందితుడ్ని అరెస్టు చేశారు పోలీసులు. యువతి ప్రియుడే ఆమెను హతమార్చినట్లు వెల్లడించారు. అనంతరం శవాన్ని సంచిలో పెట్టి మురుగుకాలువలో పడేసినట్లు వివరించారు.
పోలీసులు చెప్పిన వివరాల ప్రకారం.. మృతురాలు సోనం శుక్లా, బేకరీ షాపు జయమాని మహమ్మద్ అన్సారీ కొంతకాలంగా ప్రేమించుకుంటున్నారు. ఆమె నీట్ పరీక్షకు ప్రిపేర్ అవుతోంది. ఏప్రిల్ 24 సాయంత్రం క్లాస్ కోసమని చెప్పి ఇంటి నుంచి బయటకు వెళ్లింది. రాత్రయినా తిరిగిరాలేదు. తల్లిదండ్రులు ఫోన్ చేస్తే కాస్త ఆలస్యంగా వస్తానని చెప్పింది. కానీ రాత్రి 11:30 అయినా ఇంటికి రాలేదు. ఫోన్ చేస్తే స్పందన లేదు. దీంతో తల్లిదండ్రులు పోలీస్ స్టేషన్లో ఫిర్యాదు చేశారు.
అయితే సోనమ్ క్లాస్కు అని చెప్పి బాయ్ఫ్రెండ్ అన్సారీ ఇంటికి వెళ్లింది. రాత్రి 9 గంటలకు అతని ఇంట్లోనే ఉంది. ఆ సమయంలో ఇంట్లో వాళ్లిద్దరే ఉన్నారు. ఇద్దరి మధ్య ఏదో విషయంలో గొడవ జరిగింది. ఈ క్రమంలోనే అన్సారీ తీగతో సోనమ్ గొంతునులుమి హత్య చేశాడు. అనంతరం శవాన్ని సంచిలో తీసుకెళ్లి మురుగుకాలువలో పడేశాడు. ఏప్రిల్ 28న యువతి మృతదేహం బీచ్లో లభించింది. పోలీసులు అన్సారీని అరెస్టు చేశారు.
ఇదీ చదవండి: అవతార్ 'పండోరా'ను మరిపించే అద్భుత ప్రపంచం.. మన దేశంలోనే..
