Uppal CI Election Reddy Transferred : ఉప్పల్ సీఐ ఎలక్షన్ రెడ్డిపై బదిలీ వేటు పడింది. ఉప్పల్లోని హెచ్ఎండీఏ లే అవుట్లోకి వచ్చే జంటలను పోకిరీలు బెదిరిస్తున్నారు. వారిని బ్లాక్ మెయిల్ చేసి డబ్బులు వసూలు చేస్తున్నారు. తమను బెదిరించి రూ.3 లక్షలు వసూలు చేశారని బాధితులు పోలీసులకు ఫిర్యాదు చేశారు. వారికి న్యాయం చేయాల్సిన ఎస్సై శంకర్ పోకిరీలకు మద్దతు పలికాడు.
బాధితులు ఉన్నతాధికారుల దృష్టికి తీసుకెళ్లడంతో విచారించిన పోలీసు ఉన్నతాధికారులు ఐదుగురు నిందితులను అరెస్ట్ చేశారు. విధుల పట్ల నిర్లక్ష్యంగా వ్యవహరించిన ఎస్సై శంకర్ను డీసీపీ ఆఫీస్కు అటాచ్ చేయగా, తాజాగా సీఐ ఎలక్షన్ రెడ్డిని సీపీ కార్యాలయానికి అటాచ్ చేస్తూ రాచకొండ సీపీ తరుణ్ జోషి ఉత్తర్వులు జారీ చేశారు.
