విశాఖకు చేరుకున్న కేంద్రమంత్రి కుమారస్వామి - నేడు స్టీల్‌ ప్లాంట్‌ పని తీరుపై సమీక్ష

Union Minister Kumara Swamy Reached in Visakha : దిల్లీ నుంచి కేంద్ర ఉక్కు శాఖ మంత్రి కుమారస్వామి పత్యేక విమానంలో విశాఖకు చేరుకున్నారు. గురువారం స్టీల్‌ ప్లాంట్‌ పని తీరు ఆర్థిక పరిస్థితులపై అధికారులతో సమీక్ష చేయనున్నారు. ఈ నేపథ్యంలో ఆయన బుధవారం విశాఖకు వచ్చారు. దిల్లీ నుంచి ప్రత్యేక విమానంలో బయలుదేరిన ఆయన విశాఖ విమానాశ్రయానికి చేరుకున్నారు. అనంతరం ఉక్కుశాఖ మంత్రికి బీజేపీ నాయకులు, కార్యకర్తలు ఘనస్వాగతం పలికారు. అనంతరం ఆయన రోడ్డు మార్గాన స్టీల్ ప్లాంట్ ఆర్​ఐఎన్​ఎల్​ గెస్ట్ హౌస్​కి వెళ్లారు.