Diesel Stolen from Parked Lorries : యాదాద్రి భువనగిరి జిల్లా బొమ్మలరామారం మండలం చీకటిమామిడి గ్రామంలో రోడ్డు పక్కన నిలిపిన రెండు ఇసుక లారీల నుంచి దాదాపుగా రెండు వందల లీటర్ల డీజిల్ చోరీ జరిగిన ఘటన చోటుచేసుకుంది. చీకటిమామిడి గ్రామంలోని ప్రధాన రహదారి పక్కన నిలిపి ఉన్న రెండు లారీల నుంచి గుర్తు తెలియని వ్యక్తులు సుమారు రెండు వందల లీటర్ల డీజిల్ దొంగిలించారు.
డీజిల్ను దొంగతనం చేస్తున్న దృశ్యాలు సీసీటీవీ కెమెరాల్లో రికార్డయ్యాయి. దీనిని పరిశీలించి కేసు సమోదు చేసుకొని విచారణ జరుపుతున్నట్లు బొమ్మలరామారం ఎస్సై శ్రీశైలం తెలిపారు. ఎలాగైనా తమకు న్యాయం చేయాలని ఇసుక లారీ యజమానులు పోలీసులకు విజ్ఞప్తి చేశారు. నిందితుల నుంచి పరిహారం ఇప్పిస్తామని పోలీసులు తెలిపినట్టు సమాచారం. దొంగిలించిన డీజీల్ విలువ సుమారుగా రూ.20 వేలు ఉంటుందని తెలిపారు.
