మేడ్చల్‌ జిల్లాలో భారీ చోరీ - ఫంక్షన్​కు వెళ్లొచ్చేలోపు దోచేశారు

Robbery Incident in Dammaiguda : ఓ కుటుబం ఫంక్షన్‌కి వెళ్లి వచ్చేలోపే దోపిడి దొంగలు ఆ ఇంటిని గుల్ల చేశారు. ఈ ఘటన మేడ్చల్ జిల్లాలోని దమ్మాయిగూడలో చోటుచేసుకుంది. సిద్ధార్థనగర్ కాలనీలో నివాసం ఉంటున్న రవీందర్‌ సోమవారం నాడు సిద్దిపేటలో తన బంధువుల ఇంట్లో శుభకార్యానికి వెళ్లాడు. తిరిగి ఇంటికి వచ్చిన ఆయన మొయిన్‌ డోర్ తెరచి ఉండటం గమనించాడు. లోపలికి వెళ్లి చూడగా వస్తువులన్ని చిందరవందరగా పడి ఉన్నాయి. ఈ క్రమంలోనే బీరువా తెరచి ఉంది. అందులో దాచిన 30 తులాల బంగారు ఆభరణాలు, రూ.6 లక్షల నగదు, 50 తులాల వెండి చోరికి గురైనట్లు రవీందర్ గుర్తించారు. దీనిపై బాధితుడు పోలీసులు సమాచారం అందించారు. ఘటనాస్థలానికి చేరుకున్న పోలీసులు కేసు నమోదు చేసి దర్యాప్తు ప్రారంభించారు.