Telangana New Governor Jishnu Dev Oath Ceremony : తెలంగాణ కొత్త గవర్నర్‌గా జిష్ణు దేవ్ వర్మ బుధవారం ప్రమాణం చేయనున్నారు. సాయంత్రం 5 గంటలకు రాజ్‌భవన్‌లో ప్రమాణస్వీకార కార్యక్రమం జరగనుంది. హైకోర్టు ప్రధాన న్యాయమూర్తి జస్టిస్ ఆలోక్ అరాధే, కొత్త గవర్నర్ జిష్ణుదేవ్‌ వర్మతో ప్రమాణం చేయించనున్నారు.
ఉదయం 9 గంటల 15 నిమిషాలకు త్రిపుర రాజధాని అగర్తల నుంచి జిష్ణు దేవ్‌వర్మ, కుటుంబ సభ్యులతో బయలుదేరి మధ్యాహ్నం ఒంటి గంట 45 నిమిషాలకు శంషాబాద్ విమానాశ్రయానికి చేరుకుంటారు. ప్రమాణస్వీకారోత్సవానికి ముఖ్యమంత్రి రేవంత్‌రెడ్డి, కేంద్ర మంత్రి కిషన్‌రెడ్డి సహా రాజకీయ ప్రముఖులు హాజరు కానున్నారు.
