కేంద్ర హోం మంత్రి అమిత్‌ షాను కలిసిన గవర్నర్ సీపీ రాధాకృష్ణన్

TG Governor CP Radhakrishnan Met Amit Shah : కేంద్ర హోం శాఖ మంత్రి అమిత్ షాను దిల్లీలో తెలంగాణ గవర్నర్ సీపీ రాధాకృష్ణన్ కలిశారు. రాష్ట్రానికి సంబంధించిన పలు అంశాలపై అమిత్ షాతో చర్చించినట్టు గవర్నర్ రాధాకృష్ణన్ తెలిపారు. అభివృద్ధి, పాలనాపరమైన అంశాలతో రాష్ట్రానికి సంబంధించిన పలు కీలక అంశాలు చర్చకు వచ్చినట్టు తెలుస్తోంది. జార్ఖండ్, పుదుచ్చేరి విషయాలను కూడా చర్చించారు. దేశవ్యాప్తంగా గవర్నర్ల మార్పు, కొత్త వారి నియామకం జరగనుందన్న ప్రచారం నేపథ్యంలో అమిత్ షాను రాధాకృష్ణన్ కలవడం ప్రాధాన్యత సంతరించుకుంది.