జగన్‌ ఆ అవకాశం కోరితే తప్పకుండా ఇస్తాను: స్పీకర్ అయ్యన్న

Speaker AyyannaPatradu Visited Zoopark in Tirupati: సభలో మాట్లాడేందుకు ప్రతి శాసనసభ్యునికి అవకాశం కల్పిస్తున్నామని స్పీకర్ అయ్యన్నపాత్రుడు అన్నారు. ఈ క్రమంలో ఆయన తిరుపతి శ్రీ వెంకటేశ్వర జంతు ప్రదర్శనశాలను సందర్శించారు. జూపార్క్‌లో మొక్కనాటిన అనంతరం కుటుంబ సభ్యులతో కలిసి పలు చోట్ల పర్యటించారు. ఈ సందర్భంగా స్పీకర్ మాట్లాడుతూ సభకు రావాల్సిన బాధ్యత వైఎస్సార్​సీపీ శాసనసభ్యులపై ఉందని అన్నారు. వైఎస్సార్​సీపీ అధినేత జగన్‌ అసెంబ్లీకీ హాజరై మాట్లాడేందుకు అవకాశం కల్పించాలని చెయ్యి ఎత్తి కోరితే అవకాశం ఇస్తానన్నారు. తిరుపతి జంతు ప్రదర్శనశాల నిర్వహణకు ఏటా ఐదు కోట్ల రూపాయలు టీటీడీ కేటాయించాలని కోరుతూ లేఖ రాస్తానని స్పీకర్ అయ్యన్నపాత్రుడు తెలిపారు.