నిర్మల్​ జిల్లాలో రోడ్డు ప్రమాదం - తండ్రీకొడుకు మృతి

Road Accident in Nirmal: నిర్మల్ జిల్లా నర్సాపూర్(జి) మండలం చాక్పెల్లి గ్రామం వద్ద రోడ్డు ప్రమాదం చోటు చేసుకుంది. రోడ్డు పక్కనున్న చెట్టును ప్రమాదవశాత్తు ఓ కారు ఢీకొన్న ఘటనలో తండ్రి కొడుకులు మృతిచెందారు. లోకేశ్వరం మండలం మన్మద్ గ్రామానికి చెందిన సంఘం సురేష్ బోథ్ మండలం కుచ్లాపూర్​లోని తన అత్తగారి ఇంటి నుంచి కుటుంబ సభ్యులతో కలిసి ఉదయం తన సొంత గ్రామమైన మన్మద్​కు వెళుతుండగా ప్రమాదం జరిగింది. ఈ ప్రమాదంలో కుమారుడు సాయి వర్ధన్ (7) అక్కడికక్కడే మృతి చెందగా, సురేష్ (27) నిర్మల్ ఆసుపత్రికి తరలిస్తుండగా మృతి చెందాడు. భార్య ప్రియాంక (23), కూతురు తనిష్క (3)లకు తీవ్ర గాయాలు కాగా నిర్మల్ జిల్లా ఆసుపత్రిలో చికిత్స పొందుతున్నారు.