53 Kg Ganja Seized In Yellandu : భద్రాద్రి కొత్తగూడెం జిల్లా నుంచి ఇల్లందువైపు కారులో అక్రమంగా తరలిస్తున్న 53 కేజీల గంజాయిని పోలీసులు స్వాధీనం చేసుకున్నారు. ఈ ఘటనలో నలుగురిని అరెస్ట్ చేశారు. స్వాధీనం చేసుకున్న గంజాయి విలువ రూ.13 లక్షలు ఉంటుందని అధికారులు తెలిపారు.
డీఎస్పీ చంద్రభాను తెలిపిన వివరాలు ప్రకారం ఒడిశా నుంచి ఉత్తరాఖండ్కు భద్రాద్రి జిల్లా మీదుగా గంజాయిని తరలిస్తున్నట్లుగా పోలీసులకు సమాచారం అందింది. దీంతో వారిపై నిఘా పెట్టిన పోలీసులు అనుమానం వచ్చి ఓ కారును తనిఖీ చేశారు. ఈ క్రమంలో పోలీసులను చూసి ఆ కారు డ్రైవర్ పరారయ్యాడు. ఆ వాహనాన్ని పరిశీలించగా ప్యాకెట్లతో ఉన్న గంజాయిని గుర్తించారు. కారులో ఉన్న నలుగురు వ్యక్తులను అరెస్ట్ చేశామన్నారు. ఈ కేసులో మరో నలుగురు పరారైనట్లు డీఎస్పీ తెలిపారు. నిందితులంతా ఉత్తరాఖండ్కు చెందిన వారిగా గుర్తించారు.
