బిడ్డను రక్షించబోయిన తల్లి - ఈత రాక కుంటలో పడి ఇద్దరూ మృతి

Mother and Daughter Died in Chittoor District : బిడ్డను రక్షించబోయే ప్రయత్నంలో తల్లి కూడా మృతి చెందిన ఈ విషాద ఘటన చిత్తూరు జిల్లాలో చోటు చేసుకుంది. చౌడేపల్లె మండలం కాటిపేరి గ్రామంలో కుమార్​ రెడ్డి, మౌనిక దంపతులకు అనీశారెడ్డి (7) సంతానం. మౌనిక మదనపల్లెలో ఎక్సైజ్‌ కానిస్టేబుల్‌గా విధులు నిర్వర్తిస్తున్నారు. ఆదివారం సాయంత్రం స్టేషన్​లో పనులు పూర్తి చేసుకుని ఇంటికి వచ్చారు. తమ ఇంట్లో ఉన్న ఆవులకు నీళ్లు తాగించడానికి కుమారైతో పాటు సమీపంలోని పొలం వద్దకు వెళ్లారు. ఆమె కుమార్తె ఓ ఆవుకున్న తాడు పట్టుకోగా అది బెదిరి పాపను ఈడ్చుకెళ్లింది. ఈ క్రమంలోనే చిన్నారి సమీపంలోని కుంటలో మునిగిపోయింది. ఈ హఠాత్పరిణామంతో కంగారుపడిన మౌనిక తన కుమర్తెను కాపాడుకునేందుకు కుంటలో దూకారు. ఆమెకు ఈత రాకపోవడంతో ఇద్దరూ నీట మునిగి చనిపోయారు. ఆమె భర్త కుమార్​రెడ్డి సంఘటన స్థలానికి చేరుకుని మృతదేహాలను వెలికితీశారు.