Maoists Call For Telangana Bandh : ఛత్తీస్గఢ్లో మావోయిస్టులు బంద్కు పిలుపునిచ్చిన నేపథ్యంలో ఏజెన్సీ ప్రాంతాల్లో భయానక వాతావరణం నెలకొంది. బంద్ పిలుపుతో మావోయిస్టులు అనేక దుశ్చర్యలకు పాల్పడుతున్నారు. తెలంగాణ ఛత్తీస్గఢ్ సరిహద్దు ప్రాంతమైన భద్రాద్రి కొత్తగూడెం జిల్లా ఏజెన్సీలోని చర్ల మండలం పూనుగుప్ప వద్ధిపేట మధ్యలో రొటీన్ వాగు వద్ద చెట్లునరికి రోడ్డుకు అడ్డంగా పడేశారు. ఆ మార్గంలో రాకపోకలకు ఇబ్బంది ఏర్పడింది.
మరోవైపు వంతెన కింద మంటపెట్టడంతో భారీగా మంటలు వ్యాపించి వంతెనపై బీటలు బారాయి. ఇంకొన్ని చోట్ల విద్యుత్ స్తంభాలు ధ్వంసం చేశారు. రోడ్డు మొత్తం విద్యుత్ తీగలను తెంపి పడేశారు. బూటకపు ఎన్కౌంటర్లను నిరసిస్తూ బందుకు పిలుపునిచ్చినట్లు మావోయిస్టులు లేఖలు విడుదల చేశారు. బంద్ను విజయవంతం చేయాలని పలు ప్రాంతాల్లో కరపత్రాలను వదిలి వెళ్లారు. అప్రమత్తమైన పోలీసులు ప్రజలకు ఎలాంటి ఇబ్బందులు జరగకుండా జాగ్రత్తలు తీసుకుంటున్నారు. ఇళ్ల నుంచి ఎవరూ బయటకు రావొద్దని ప్రజలకు సూచించారు.
