Madhapur ACP On Bike Racing : బైక్ రేసింగ్లకు పాల్పడితే కఠిన చర్యలు తప్పవని మాదాపుర్ ఏసీపీ శ్రీకాంత్ హెచ్చరించారు. హైదరాబాద్ రాయదుర్గం పరిధిలోని టీ-హబ్ నాలెడ్జ్ సిటీ మైహోం ప్రాంతాల్లో యువకులు బైక్ రైసింగ్లకు పాల్పడుతున్నారని తమకు ఫిర్యాదులు వచ్చాయన్నారు. ఈ నేపథ్యంలోనే ప్రత్యేక డ్రైవ్ ఏర్పాటు చేసి రేసింగ్లకు పాల్పడుతున్న రైడర్స్ను అరెస్టు చేయడం జరిగిందన్నారు.
20 రోజులు నుంచి చేపట్టిన స్పెషల్ డ్రైవ్ ద్వారా 89 బైకులను 89 రైడర్లను అదుపులోకి తీసుకున్నామని తెలిపారు. గతవారం ఆరుగురిని అరెస్టు చేసి రిమాండ్కు పంపించామన్నారు. ఐటీ కారిడార్లో రేసింగ్కు పాల్పడితే క్రిమినల్ కేసులు నమోదు చేస్తామని హెచ్చరించారు.
