చెప్పినట్టే తెలంగాణకు అక్కరకురాని వాళ్ల బొమ్మలను తొలగిస్తాం : కేటీఆర్

KTR Reacts on Revanth Statements on Rajiv Gandhi Statue : సచివాలయం ముందు తెలంగాణ తల్లి, రాజీవ్ గాంధీ విగ్రహం ఏర్పాటు విషయంలో సీఎం రేవంత్‌ రెడ్డిపై బీఆర్ఎస్ వర్కింగ్‌ ప్రెసిడెంట్‌ కేటీఆర్ ఫైర్‌ అయ్యారు. సీఎం వ్యాఖ్యలపై ఆయన ఎక్స్‌ వేదికగా స్పందించారు. సోనియాగాంధీని బలిదేవత అన్నవారే రాజీవ్‌గాంధీ మీద ప్రేమ ఒలకబోస్తున్నారని అన్నారు. దొడ్డిన దారిన పీసీసీ అధ్యక్షుడు అయ్యి రాజీవ్‌ గాంధీ మీద ఒలకబోస్తున్న ప్రేమ అసలురంగు అందరికీ తెలుసని వ్యాఖ్యానించారు. తెలంగాణ ఉద్యమం గుండెల్లో గునపాలు దించిన చేతులతో తెలంగాణ తల్లి విగ్రహం పెట్టినా అది అవమానమే అని ఘాటు కామెంట్స్ చేశారు. గాంధీ విగ్రహం గాడ్సే పెడితే ఎట్లుంటదో అట్లుంటదని ఎద్దేవా చేశారు. తెలంగాణకు అక్కరకురాని వాళ్ల బొమ్మలను తొలగిస్తామని, తెలంగాణ తల్లిని సమున్నతంగా ప్రతిష్టిస్తామని తెలిపారు.