ముంబయి సినీ నటి కేసు - విశాల్ గున్నీ ముందస్తు బెయిల్ పిటిషన్​పై విచారణ అక్టోబర్‌ 1కి వాయిదా

High Court Hearing on Vishal Gunni Bail Petition: ముంబయి సినీ నటి ఫిర్యాదుతో ఇబ్రహీంపట్నం పోలీసులు నమోదు చేసిన కేసులో ముందస్తు బెయిల్ మంజూరు చేయాలని కోరుతూ ఐపీఎస్ అధికారి విశాల్ గున్నీ దాఖలు చేసిన బెయిల్ పిటిషన్​పై హైకోర్టు విచారణ జరిపింది. తదుపరి విచారణను అక్టోబర్ 1కి వాయిదా వేసింది. అప్పటి వరకు పిటిషనర్​పై తొందరపాటు చర్యలు తీసుకోవద్దని న్యాయస్థానం ఉత్తర్వులు జారీ చేసింది. పోలీసులు నమోదు చేసిన సెక్షన్లు చెల్లవని విశాల్ గున్నీ తరపు న్యాయవాది వాదనలు వినిపించారు. పోలీసుల దర్యాప్తునకు సహకరిస్తానని సస్పెన్షన్‌లో ఉన్న విశాల్‌ గున్నీ కోర్టుకు తెలిపారు.