మాజీ ఎమ్మెల్యే రాజయ్య కారు ఢీకొని మహిళ మృతి

Woman Died in a Road Accident : స్టేషన్​ ఘన్​పూర్​ మాజీ ఎమ్మెల్యే తాటికొండ రాజయ్య కారు ఢీకొని ఓ మహిళ మృతి చెందింది. ఈ ఘటన హనుమకొండ జిల్లా కాజీపేట మండలం మడికొండ వద్ద జరిగింది. వరంగల్​కు చెందిన కలకోట్ల స్వప్న అనే మహిళ మడికొండ ఎస్సీ కాలనీ వద్ద రోడ్డు దాటుతుండగా హైదరాబాద్​ నుంచి హనుమకొండ వస్తున్న రాజయ్య కారు మహిళను ఢీకొట్టింది. దీంతో ఆమె అక్కడికక్కడ మృతి చెందారు. ప్రమాద సమయంలో డ్రైవర్​ కారు నడుపుతుండగా మాజీ ఎమ్మెల్యే రాజయ్య పక్కన కూర్చుని ఉన్నారు. కారును బాపూజీనగర్‌లో వదిలేసి మడికొండ పోలీసులకు రాజయ్య సమాచారం ఇచ్చి వెళ్లిపోయారు. డ్రైవర్‌ పరారీలో ఉన్నాడు. పోలీసులు కేసు నమోదు చేసుకొని దర్యాప్తు చేస్తున్నారు.