CM Revanth Reddy Review on Kodangal Project : కొడంగల్ ఎత్తిపోతల పథకంతో పాటు ఉమ్మడి మహబూబ్నగర్ జిల్లాలోని సాగు నీటి ప్రాజెక్టులను వేగంగా పూర్తి చేయాలని అధికారులను ముఖ్యమంత్రి రేవంత్ రెడ్డి ఆదేశించారు. జూబ్లీహిల్స్లోని నివాసంలో కొడంగల్ లిఫ్ట్ ఇరిగేషన్ ప్రాజెక్టుపై సీఎం సమీక్ష నిర్వహించారు.
పనుల పురోగతి, ప్రణాళికలను అడిగి తెలుసుకున్నారు. ఇక నుంచి ప్రతి 4 వారాలకు సమీక్ష నిర్వహించనున్నట్లు సీఎం రేవంత్ రెడ్డి తెలిపారు. కొండగల్లో చేపల మార్కెట్ ఏర్పాటునకు ప్రతిపాదనలు సిద్ధం చేయాలని అధికారులను సీఎం ఆదేశించారు. మద్దూరులో సమీకృత గురుకుల సముదాయం నిర్మాణంపై సీఎం పలు సూచనలు చేశారు.
