భూవివాదంలో బాధితులను బెదిరించారు - మాజీ అదనపు ఎస్పీ భుజంగరావుపై మరో కేసు

Former Additional SP Bhujangarao: మాజీ అదనపు ఎస్పీ భుజంగరావు పైనా మరో కేసు నమోదైంది. కూకట్​పల్లిలోని ఓ భూ వివాదంలో కలగజేసుకొని బాధితులను బెదిరించారనే ఆరోపణలతో కేసు నమోదు చేశారు. సర్వే నెంబర్ 1007లో గల 340 ఎకరాలకు సంబంధించి నకీలీ పత్రాలను తయారు చేసిన వారికి ఏసీపీగా పనిచేసిన సమయంలో భుజంగరావు సహకరించారని బాధితులు సైబరాబాద్ సీపీ అవినాష్​ మహంతికి ఫిర్యాదు చేశారు. ఎస్‌ఎస్‌ మొయినుద్దీన్‌, శ్రీనివాస్‌రావు, చలమలశెట్టి అనిల్‌లకు భుజంగరావు మద్దతుగా నిలిచారని పేర్కొన్నారు. దీంతో సైబరాబాద్​ ఆర్థిక నేర విభాగం(Economic Offence Wing) పోలీసులు ఆ నలుగురిపై కేసు నమోదు చేశారు. ఏ4(Accused4)గా నిందితుడు భుజంగరావు పేరును చేర్చారు. తాజాగా ఫోన్ ట్యాపింగ్ కేసులో అనారోగ్యం సమస్యల కారణంగా ఆయన బెయిల్​పై జైలు నుంచి విడుదల అయ్యారు.