Powell On Salt: ఇంగ్లాండ్ బ్యాటర్ ఫిల్ సాల్ట్ వెస్టిండీస్పై ఆడిన ప్రతిసారి తమను తీవ్రంగా నిరాశపరుస్తాడని ఆ జట్టు కెప్టెన్ రోవ్మన్ పావెల్ అన్నాడు. 2024 టీ20 ప్రపంచకప్ సూపర్- 8లో గురువారం ఇంగ్లాండ్పై తమ జట్టు ఓడిన తర్వాత పావెల్ ఈ కామెంట్స్ చేశాడు. 'వెస్టిండీస్పై ఆడిన ప్రతిసారి సాల్ట్ మమ్మల్ని బాధపెడతాడు. అది చాలా కష్టంగా ఉంటుంది. ఈ మ్యాచ్లో సాల్ట్ను ఔట్ చేయడానికి మేం సరైన ప్రణాళిక రచించలేకపోయాం. ఈ మ్యాచ్లో మేం ఇంకో 15-20 పరుగులు ఎక్కువ చేయాల్సింది' అని అన్నాడు.
అయితే టీ20ల్లో విండీస్పై సాల్ట్ ట్రాక్ రికార్డు ఘనంగా ఉంది. ఇప్పటివరకు విండీస్తో 9 ఇన్నింగ్స్లు ఆడగా, సాల్ట్ 186+ స్టైక్ రేట్తో 487 పరుగులు నమోదు చేశాడు. అందులో 2 సెంచరీలు, 2 హాఫ్ సెంచరీలున్నాయి. తాజా మ్యాచ్లోనూ సాల్ట్ వెండీస్పై విధ్వంసం సృష్టించాడు. 47 బంతుల్లో 87* పరుగులు చేశాడు.
