T20 Worldcup 2024 Pakisthan Squad : టీ20 ప్రపంచకప్‌లో బరిలోకి దిగే తమ జట్టును పాకిస్థాన్ క్రికెట్ బోర్డు(పీసీబీ) ఎట్టకేలకు ప్రకటించింది. బాబర్‌ అజామ్ నేతృత్వంలోని 15 మంది సభ్యులతో జట్టును అనౌన్స్ చేసింది. వీరిలో అనుభవజ్ఞుడైన పేసర్‌ హారిస్‌ రవూఫ్‌కు చోటు దక్కింది. ఫిబ్రవరిలో పీఎస్‌ఎల్‌ సందర్భంగా గాయపడ్డ రవూఫ్ ఇప్పుడు పూర్తి ఫిట్‌గా ఉన్నాడని బోర్డు పేర్కొంది. అలాగే, ఇటీవల రిటైర్మెంట్‌ వెనక్కి తీసుకున్న మహమ్మద్ అమీర్, ఇమాద్ వసీమ్‌లకు ప్రపంచకప్ జట్టులో చోటు లభించింది. కాగా, పాకిస్థాన్ జట్టు భారత్, ఐర్లాండ్, కెనడా, అమెరికాతో పాటు గ్రూప్‌-ఎలో ఉంది.
పాకిస్థాన్ జట్టు : బాబర్‌ అజామ్, అబ్రార్, అజామ్ ఖాన్, ఫకర్‌ జమాన్, రవూఫ్, ఇఫ్తికార్, ఇమాద్ వసీమ్, అబ్బాస్‌ అఫ్రిది, ఆమిర్, రిజ్వాన్, నసీమ్‌ షా, సయిమ్‌ ఆయూబ్, షాదాబ్‌ ఖాన్, షహీన్‌ షా అఫ్రిది, ఉస్మాన్‌ ఖాన్.
