SL W vs AUS W T20 World Cup: 2024 మహిళల టీ20 వరల్డ్కప్లో డిఫెండింగ్ ఛాంప్ ఆస్ట్రేలియా శుభారంభం చేసింది. శనివారం శ్రీలంకతో జరిగిన మ్యాచ్లో ఆసీస్ 6 వికెట్ల తేడాతో నెగ్గింది. లంక నిర్దేశించిన 94 పరుగుల స్వల్ప లక్ష్యాన్ని ఆసీస్ 14.2 ఓవర్లలో 4 వికెట్లు కోల్పోయి ఛేదించింది. ఓపెనర్ బెత్ మూనీ (43 పరుగులు) ఆకట్టుకుంది. లంక బౌలర్లలో ప్రభోదిని, రణవీర, సుగంధిక కుమారి తలో వికెట్ దక్కించుకున్నారు. మూడు వికెట్లతో సత్తాచాటిన ఆసీస్ బౌలర్ మెగన్ సుచుత్కు ప్లేయర్ ఆఫ్ ది మ్యాచ్ అవార్డు దక్కింది.
అంతకుముందు టాస్ నెగ్గి బ్యాటింగ్ ఎంచుకున్న శ్రీలంక 20 ఓవర్లలో 7 వికెట్లు కోల్లోయి 93 పరుగులకే పరిమితమైంది. నీలాక్షి (29* పరుగులు) టాప్ స్కోరర్. ఆసీస్ బౌలింగ్ ముంగిట లంక ప్లేయర్లు నిలువలేకపోయారు. సగం మంది బ్యాటర్లు సింగిల్ డిజిట్ స్కోర్కే పరిమితమయ్యారు.
