SL W ML W Asia Cup 2024: మహిళల ఆసియా కప్లో శ్రీలంక వరుసగా రెండో విజయం నమోదు చేసింది. సోమవారం మలేసియాతో జరిగిన మ్యాచ్లో 144 పరుగుల భారీ తేడాతో నెగ్గింది. 185 పరుగుల లక్ష్య ఛేదనలో మలేసియా 19.5 ఓవర్లలో 40 పరుగులకే ఆలౌటైంది. హంటర్ (10)తప్ప మిగతా వారంతా సింగిల్ డిజిట్కే పరిమితమయ్యారు. అంతకుముందు బ్యాటింగ్ చేసిన శ్రీలంక 20 ఓవర్లలో 184-4 పరుగులు చేసింది.
టీ20ల్లో రికార్డులు
ఈ మ్యాచ్లో శ్రీలంక కెప్టెన్ చమరీ ఆటపట్టు (119 పరుగులు) సెంచరీతో అదరగొట్టిదింది. ఈ నేపథ్యంలో మహిళల ఆసియా కప్లో సెంచరీ బాదిన తొలి బ్యాటర్గా రికార్డు సృష్టించింది. కాగా, మహిళల టీ20 క్రికెట్లో శ్రీలంకకు పరుగుల (144) పరంగా ఇదే అతిపెద్ద విజయం. ఈ విజయంతో శ్రీలంక సెమీస్ అవకాశాలు మెరుగుపర్చుకుంది.
