Ramita Jindal Paris Olympics 2024: భారత యంగ్ షూటర్ రమితా జిందాల్కు పారిస్ ఒలిపింక్స్లో నిరాశే ఎదురైంది. సోమవారం జరిగిన 10మీటర్ల రైఫిల్ ఈవెంట్ ఫైనల్లో జిందాల్ ఓడింది. పతక పోరులో ఆమె 7వ స్థానానికి పరిమితమైంది. అయితే కెరీర్లో తొలిసారి ఒలింపిక్స్లో పాల్గొన్న రమిత, అక్కడ ఎన్నో విషయాలు నేర్చుకున్నట్లు చెప్పింది.
'విశ్వ క్రీడల్లో ఆడిన అనుభవం బాగుంది. ఇక్కడ నేను ఎన్నో విషయాలు నేర్చుకున్నాను. భవిష్యత్లో మెరుగుపడేందుకు ఇది నాకు ఉపయోగపడుతుంది' అని రమిత తెలిపింది. ఇక కాంస్య పతకం సాధించిన మను బాకర్ను రమిత అభినందించింది. 'మను చాలా కష్టపడుతుంది. నాతో పాటు ఆమె చాలా మందికి స్ఫూర్తి. ఈ విజయానికి ఆమె అర్హురాలే. తను పతకం నెగ్గిన తర్వాత నేనూ సాధించగలనన్న నమ్మకం పెరిగింది. ప్రస్తుతం మన అథ్లెట్లు ఫామ్లో ఉన్నారు. మరిన్ని పతకాలు వచ్చే ఛాన్స్ ఉంది' అని రమిత జిందాల్ పేర్కొంది.
