Rachin Ravindra Central Contract : న్యూజిలాండ్ యంగ్ బ్యాటర్ రచిన్ రవీంద్ర తొలిసారి సెంట్రల్ కాంట్రాక్ట్ దక్కించుకున్నాడు. 2024-25 ఏడాదికిగానూ న్యూజిలాండ్ సెంట్రల్ క్రాంట్రాక్ట్ లిస్ట్లో రచిన్ చోటు దక్కించుకున్నాడు. గతేడాది వన్డే వరల్డ్కప్లో నిలకడగా రాణించిన రచిన్ కివీస్కు కీలక ప్లేయర్గా మారాడు. ఆ టోర్నీలో 578 పరుగులతో సత్తా చాటాడు. ఆ తర్వాత కూడా కీవీస్ టీ20, టెస్టు జట్టులో చోటు దక్కించుకున్న రచిన్ నిలకడగా ఆడుతూ అందరి దృష్టిని ఆకర్షించాడు. దీంతో కెరీర్ ప్రారంభించిన మూడేళ్లకు తొలిసారి సెంట్రల్ కాంట్రాక్ట్కు పొందాడు.
'ఇది నేను నమ్మలేకపోతున్నా. కెరీర్లో ఇంత త్వరగా ఇలాంటి రోజు వస్తుందని అనుకోలేదు. ఇంటర్నేషనల్ క్రికెట్లో కివీస్కు ప్రాతినిధ్యం వహించడం గౌరవంగా భావిస్తా' అని 24ఏళ్ల రచిన్ కాంట్రాక్ట్ దక్కించుకున్న అనంతరం అన్నాడు. ఇక కెరీర్లో 519టెస్టు, 820వన్డే, 231టీ20 పరుగులు సాధించాడు. 2024ఐపీఎల్లో రచిన్ను చెన్నై రూ.1.8కోట్లకు కొనుగోలు చేసింది
