Vinesh Phogat Disqualification: పారిస్‌ ఒలింపిక్స్లో అనర్హత వేటుతో ఫైనల్కు దూరమైన రెజ్లర్ వినేశ్ ఫొగాట్ను జపాన్ రెజ్లర్ రేయ్‌ హిగుచి ఓదారుస్తూ ఎమోషనల్ పోస్ట్ పెట్టాడు. 'నీ బాధను నేను అర్థం చేసుకోగలను. నాది 50 గ్రాముల వేదనే! ఇప్పుడు నీ చుట్టూ వినిపిస్తున్న మాటల గురించి ఆందోళన చెందకు. జీవితం సాగుతూనే ఉంటుంది. ఎదురుదెబ్బల నుంచి నేర్చుకొని ఎదిగిన ప్రయాణం అత్యంత అందంగా ఉంటుంది. బాగా విశ్రాంతి తీసుకో' అంటూ వినేశ్ రిటైర్మెంట్ పోస్టుకు రిప్లై ఇచ్చాడు.
అయితే 2020 టోక్యో ఒలింపిక్స్లో హిగుచి 50 గ్రాముల అధిక బరువు కారణంగా క్వాలిఫికేషన్‌ పోరులో అనర్హత వేటుకు గురయ్యాడు. దీని నుంచి కోలుకున్న అతడు తాజా పోటీల్లో ఏకంగా పసిడి ముద్దాడాడు. కాగా, ప్రస్తుత ఒలింపిక్స్లో 53కేజీల విభాగంలో ఫైనల్ చేరిన వినేశ్ పసిడి పోరుకు ముందు 100 గ్రాముల బరువు అధికంగా ఉన్న కారణంగా డిస్క్వాలిఫై అయ్యింది.
