Euro Cup 2024: 2024 యూరో కప్లో స్పెయిన్ విజేతగా నిలిచింది. ఆదివారం ఇంగ్లాండ్తో జరిగిన ఫైనల్లో స్పెయిన్ 2-1 తేడాతో నెగ్గి నాలుగో యూరో కప్ టైటిల్ గెలుచుకుంది. కాగా, ఇంగ్లాండ్ వరుసగా రెండోసారి రన్నరప్తో సరిపెట్టుకుంది. ఈటోర్నీలో అజేయంగా ఫైనల్కు దూసుకువచ్చిన స్పెయిన్ హోరాహోరీగా సాగిన తుదిపోరులోనూ అదరగొట్టింది. మ్యాచ్లో ఫస్ట్ హాఫ్లో ఇరుజట్లు కూడా గోల్ కొట్టలేకపోయాయి.
ఇక సెకండ్ హాఫ్లో రెండో నిమిషంలోనే స్పెయిన్ గోల్ సాధించి ఆధిక్యంలోకి వెళ్లింది. స్పెయిన్ ప్లేయర్ నికో విలియమ్స్‌ అద్భుత గోల్తో తన జట్టు ఖాతా తెరిచాడు. 73 నిమిషాల వద్ద ఇంగ్లాండ్ ఆటగాడు కోలె పాల్‌మెర్‌ గోల్ కొట్టడం వల్ల ఇరుజట్లు 1-1తో సమానంగా నిలిచాయి. 86వ నిమిషంలో స్పెయిన్ ఆటగాడు మైకెల్‌ ఒయార్జాబల్‌ కొట్టిన గోల్తో స్పెయిన్ లీడ్లోకి వెళ్లింది. ఇక అదనపు సమయంలో ఇంగ్లాండ్ గోల్ చేయలేకపోవడం వల్ల స్పెయిన్ విజేతగా నిలిచింది.
