Aus Vs Eng T20 World Cup 2024 : టీ20 ప్రపంచకప్‌ 2024లో భాగంగా శనివారం జరిగిన పోరులో ఆస్ట్రేలియా జట్టు ఘన విజయం సాధించింది. 36 పరుగుల తేడాతో ఇంగ్లాండ్పై గెలుపొందింది. ఆడమ్ జంపాను 'ప్లేయర్ ఆఫ్ ద మ్యాచ్' వరించింది.
తొలుత బ్యాటింగ్ చేసిన ఆసీస్ జట్టు నిర్ణీత 20 ఓవర్లలో 7 వికెట్ల నష్టానికి 201 పరుగులు చేసింది. ఇక ఈ భారీ లక్ష్యాన్ని చేధించేందుకు మైదానంలోకి దిగిన ఇంగ్లీష్ జట్టు 20 ఓవర్లలో 165/6 స్కోరు మాత్రమే చేయగలిగింది. ఓపెనర్లు ఫిల్ సాల్ట్ (37), జోస్ బట్లర్ (42) రాణించగా, మిగతా ప్లేయర్లు ఫర్వాలేదనిపించారు. ఆసీస్ బౌలర్లలో పాట్ కమిన్స్‌ 2, ఆడమ్ జంపా 2, హేజిల్‌వుడ్, స్టాయినిస్‌ తలో వికెట్ పడగొట్టారు.
