నేడు చంద్రబాబు అధ్యక్షతన తెలుగుదేశం పొలిట్‌బ్యూరో సమావేశం

TDP Politburo Meeting Today : నేడు ముఖ్యమంత్రి చంద్రబాబు అధ్యక్షతన తెలుగుదేశం పోలిట్ బ్యూరో సమావేశం కానుంది. ఉదయం 11 గంటలకు పార్టీ కేంద్ర కార్యాలయం ఎన్టీఆర్ భవన్​లో ఈ భేటీ జరగనుంది. ఎన్నికల ఫలితాల తర్వాత జరుగుతున్న తొలి పోలిట్ బ్యూరో సమావేశం కావడంతో చంద్రబాబు పలు కీలక నిర్ణయాలు తీసుకోనున్నారు. అదేవిధంగా పార్టీ సభ్యత్వ నమోదు, సంస్థాగత నిర్మాణం పైనా చర్చించనున్నారు. విశాఖ స్థానిక సంస్థల కోటా ఎమ్మెల్సీ ఉపఎన్నిక అభ్యర్థిని ఖరారు చేసే అవకాశం ఉంది. మరోవైపు ఈ నిర్ణయాలపై నామినేటెడ్ పదవుల ఆశావహుల్లో ఉత్కంఠ నెలకొంది.