'వేలాది మంది జర్నలిస్టులను అందించారు- ఇలా జరగడం బాధాకరం'

Pavan Kalyan Tribute To Ramoji Rao: రామోజీ గ్రూప్‌ సంస్థల ఛైర్మన్‌ రామోజీరావు పార్థివదేహానికి సినీ నటుడు పవన్‌ కల్యాణ్‌, డైరెక్టర్‌ త్రివిక్రమ్‌, నిర్మాత చినబాబు నివాళులర్పించారు. అనంతరం పవన్‌, రామోజీ కుటుంబ సభ్యులతో మాట్లాడారు. వారికి తన ప్రగాఢ సానుభూతి తెలియజేశారు. అనంతరం ఆయన మీడియాతో మాట్లాడారు. 'రామోజీరావు మృతి దిగ్భ్రాంతి కలిగించింది. ప్రమాణస్వీకారం తర్వాత వచ్చి స్వయంగా కలుద్దామనుకున్నా. అంతలోనే ఇలా జరగడం బాధాకరం. ప్రజల్లో చైతన్యం తీసుకువచ్చి రామోజీ అండగా నిలబడ్డారు. తెలుగు రాష్ట్రాలకు వేలాది మంది జర్నలిస్టులను అందించారు. ఆయన కుటుంబసభ్యులకు భగవంతుడు అండగా ఉండాలి' అని పవన్ అన్నారు.