99 Rs Movie Ticket: సినిమా లవర్స్ కోసం థియేటర్ల యాజమాన్యం బంపర్‌ ఆఫర్ ప్రకటించింది. మే 31 'సినిమా లవర్స్ డే' సందర్భంగా కేవలం ₹99కే సినిమా చూసే అవకాశం కల్పిస్తోంది. ఈ ఆఫర్ ఒక్కరోజు సింగిల్ స్క్రీన్స్తోపాటు మల్టిప్లెక్స్ల్లోనూ వర్తిస్తుంది. దేశవ్యాప్తంగా పీవీఆర్‌ ఐనాక్స్‌, సినీపోలిస్ ఇండియా, మిరాజ్‌ సినిమాస్‌, మూవీ మ్యాక్స్‌ సహా ప్రధాన మల్టీప్లెక్స్ చెయిన్‌లలో ఈ ఆఫర్ అందుబాటులో ఉండనున్నట్లు మల్టీప్లెక్స్ అసోసియేషన్ ఆఫ్ ఇండియా ఓ ప్రకటనలో తెలిపింది. ఇక ఈ ఆఫర్తో సింగిల్ స్క్రీన్లలో కొన్ని థియేటర్లలో రూ.70 కంటే తక్కువ ధరకే టికెట్ కొనుగోలు చేయవచ్చు. కాగా, 2022లో సినిమా దినోత్సవం సందర్భంగా ఇదే ఆఫర్ ప్రకటించగా, అప్పుడు 65 లక్షల మంది థియేటర్లలో సినిమాలు చూశారు.
- గమనిక: రెక్లెయినర్స్‌, ప్రీమియం ఫార్మాట్లకు ఈ అవకాశం లేదు. ఎంపిక చేసిన నగరాల్లోని కొన్ని థియేటర్లకే ఈ ఆఫర్ వర్తించనుంది. కేవలం ఒక్కరోజే.
